झोलामा खानीः उत्खनन् अनुमति लिँदै लाइसेन्स बेच्दै

झोलामा खानीः उत्खनन् अनुमति लिँदै लाइसेन्स बेच्दै

७ पुस, काठमाडौं । ‘झोलामा खोला’ भन्ने त हामी सबैले सुनेकै हौं, अहिले झोलामा खानीको लाइसेन्स बोकेर हिँड्ने तर खानी उत्खनन नगरी लाइसेन्स मात्रै ‘होल्ड’ गर्ने कम्पनीहरु फेला परेका छन् ।

खानी उत्खननका लागि अनुमति लिएका १२ वटा कम्पनीलेे लामो समयसम्म उत्पादन नगरी लाइसेन्स ‘होल्ड’ गरेर बसेको धेरै समय भइसकेको छ । लामो समय बित्दासम्म खानी उत्खनन् सुरु नगरेपछि खानी तथा भुगर्भ विभागले यी १२ वटा कम्पनीको उत्खनन् इजाजतपत्र नै रद्द गर्न लागेको छ ।

जलविद्युत क्षेत्रका माफियाहरुबाट झोलामा खोला कब्जा गरेर राख्ने प्रवृत्ति लामो समयसम्म रहृयो । यसलाई निराकरण गर्न सरकारले नवीकरण शुल्क बढाइरहेको समयमा यता खानीमा पनि यस्तै हविगत देखिएको छ ।

झोलामा खोलामात्रै होइन, खानी पनि हुन्छन् है भन्ने देखिन थालेपछि बिभागले अहिले कैयन कम्पनीहरुको उत्खनन् इजाजत पत्र रद्द गर्न लागेको हो ।

कुन-कुन कम्पनीको खानी इजाजतको म्याज गुज्रियो ?

विभागका अनुसार मुक्ति श्री सिमेन्टसले सुर्खेत घाटगाउँ र गुटुमा लिएको खानीको म्याद सकिएको छ । दुई वर्षसम्म पनि उत्खनन् हुन नसकेपछि विभागले अहिले यसको इजाजत नै रद्द गर्ने तयारी गरेको छ । आगामी फागुन २३ गते सम्म उत्खनन् सुरु नगरे इजाजत रद्द हुने विभागका अधिकारी बताउँछन् ।

त्यस्तै विश्वकर्मा सिमेन्टले सल्यानको काजेरीमा खानी अनुमति लिएर हालसम्म सञ्चालन गरेको छैन ।

Share this post